limau kunci dingan limau purut
dingan kutigo limau pdang
untungnyo kami jangan dituhut
samenyo iko tibao malang
cinok bungo dalam mangkuk
iluklah kembang sibungo tali
denga burito iko lah isuk
ntah kumano sibadan kami
mano nalak silimau padang
limau kunci ado dusun lolo
manen idak tidu talentang
tinam kantilah nikah galo
sejak buladang di sungai liuk
batang pipin jilo-bujilo
bilo ku pandang muko adik iluk
situ badan kami mulai tigilo-gilo
sungai tanduk dingan koto puriang
singgah burenti dusun bului
sungguh mbuh bukasih sayang
tapi banyak ngan benci si badan kami
tanjung pauh pondoklah siguang
jalan teruh kedusun lolo
iko jauh dirantau uhang
badanku kuruh miki badan iko
dusun sulak buladang kawo
kawo ado di danau tinggi
kalu idak dingan badan iko
sapo pulo kanti kami jadi
koto tuo dingan koto payang
dusun sikungkung munanam kawo
iko burado di tangan uhang
tangih bukurung di dalam hati
lubuk nagodang tempat munyalo
ayi nyo dingin buresih pulo
kuruh badan mungenang iko
hati munangih munahan ibo
bialah jauh mungirang pandan
asallah jangan mungirang padi
bialah kito buripang badan
asal jangan buripang hati
pandan ado ditengah laman
pandannyo tinggi buduri tajam
jangan ngato buripang badan
buripang hati itu idak nian
kutanam benih sipadi ladang
padi ku tanam buahnyo ampo
mungharap kasih mungharap sayang
tapi minin ntah lah d mano
burung punguk rindukan bulan
hinggap diranting umpun kawo
hati mabuk siang dingan malam
ntah pobilo dapat busuo
Tidak ada komentar:
Posting Komentar