agilah dulu burambut panjang
minin iko burambut sijejak bahu
agilah dulu bukasih sayang
kini sarupo uhang dak tau
apo diharap ili kujambi
arap dibuduk bulantai idak
apo diharap sibadan kami
harap dibadan sigalo idak
mudik dusun padang kawo
dimudiknyo padang pisang
bukan aku idak ndak si badan iko
hidup miskin badan ku malang
dari seleman ke koto payang
kami burenti di koto tuo
idak salah adik mungilang
adik iluk takut sengsaro
butelur empat siburung pipit
pipit busarang dikayu rendah
bia murapat bumi ngan langit
sayang ke adik idaknyo burubah
koto salak jalannyo licin
dusun kemantan jalan tepi tebing
mano idak glak sampai takencin2
nimak nyantan ngan tino lah teriping
gedang nian ruso di tanjung
ruso di tembak sedang melayang
gedang nian duso kutanggung
uhang ngan benci kusangko sayang
untuk apo burambut panjang
rambut disikat tiap pagi
untuk apo lamo mumbujang
kalau tuo idak gagah agi
kalau ado ungko bubunyi
itu tando ahi nak siang
kalau ado rimbo ngan sunyi
di situ tempat aku tibuang
jangan ditempuh jalan licin
kalau idak jalan buduo
payah nian hidup musekin
mano duduk badan dihino
sudah kucubo membeli kain
kain dijahit di uhang batak
lahkucubo nalak dingan lain
hati bukato bialah idak
buah mengkudu hendak dibao
mengkudu dibao sianak rajo
rindu diadik mungkin biaso
rindu di kami siparo gilo
jerami basah dalam kali
kumpai lemukut direnah payo
kami ibarat sisekam padi
sampai dimulut tibuang jugo
naik kudo kesungai mancur
ado jugo ngan jalan kaki
mano idak anak mudo2 ancur
karno banyak ngan dak tau ngaji
kalau kayu nak kayo pahat
kayu diukur dengan gergaji
kalau kayo nak selamat dunia akhirat
jangan lupo ngajar anak kayo ngaji
kalau kayo nak isi pulsa
iluk di isi didusun kubang
wahai kayo pungurus desa
jangan ADD kayo makan suhang
kalau kayo kekoto payang
singgah jugo di koto tuo
uang ADD yo kayo ngan megang
itu ADD masyarakat ngan punyo
kalau ke pasa membeli baju
baju dibeli bungkus dengan koran
kalau desa sibena nak maju
cubo pemerintah desa lebih transparan
baumo ditepi bukit
umo ado bungo dahlia
butanyo kami sidikit
manonyo program pemeintah desa
bungo cino bungo dahlia
bungo rampai ngan bungo rayo
kalau iyo ado bantuan desa
jangan sampai masuk saku kayo
batang kawo ngan batang pipin
halau itik mumakai ijuk
kalau iyo kayo sibena pemimpin
kalau di kritik jangan cepat majuk
ruso butanduk dimuko imbo
imbo semak tempat gajah bugading
asonyo iluk mato kubuto
pado ku ngimak adik duduk busanding
buah cimpedak dimuko imbo
cimpedak kecik dimakan ungko
mano idak hati ku naso
ngimak adik jalan budo
mano nalak kau niburung
burung didalak didalam sarang
manen idak duduk timenung
miki adik lah ditangan uhang
buah siduduk dimakan burung
buah kawo dimakan ungko
jangan adik duduk timenung
sdah ahi rayo kito nikah jugo
kalau kayo kedusun lolo
jalan jugo kedusun masgo
ntah gadih ntah jando
namun hati ku iko jugo
kalau kayo kedusun kubang
singgah jugo di koto tuo
jangan ngato umah ngan gedang
tempat tinggan bae kami dak punyo
apo diharap sibatang jerami
ampo idak padi idak jugo
jangan diharap sibadan kami
harto idak badan dihino pulo
Tidak ada komentar:
Posting Komentar